கடைசி சுவாசம்

முடிந்தவரை மூச்சை இழுத்து
நுரையீரல் நிரப்புகிறேன்,
கடைசி சுவாசம் என்பதினால்........

 புத்தியில் புலம்பிக் கொண்டிருந்த
முடிக்கப்படாத கடமைகள்
காணாமல் போயின சட்டென்று....

என்னுடையது என்றிருந்த
அத்துணையும் அந்நியமாயின
ஒரு நொடிக்குள்........

பிரபஞ்சம் பதிவிறக்கம் செய்கிறது
தன்னுள் என் விவரங்களை விரைவாக......

அணையுமுன் சுடர்விடும் தீபமாய்
இதயம் வேகமாய் துடித்து
அடங்குகிறது அமைதியாய்.......

கடலில் கலக்கும் துளி தன்
அடையாளம் இழப்பதைப் போல்,
வெளிவராத கடைசி சுவாசத்திற்குள்
கரைந்து போகிறேன் நான்.......