அவள் இவள்

அவள் இதமான தென்றல்
இவள்  அழகான சூறாவளி

அவள் அமைதியான நதி
இவள் காட்டாற்று வெள்ளம்

அவள் கோபத்தையே அறியாதவள்
இவள் கோபத்தையே சுவாசிப்பவள்

அவள் எதையும் நம்புபவள்
இவள் எதையும் சந்தேகிப்பவள்

அவள் அன்பு இதமான மழை
இவள் அன்பு புயல் மழை

அவளிடம் தாயின் பொறுமை
இவளிடம் குழந்தையின் பிடிவாதம்

அவளின் கோபத்திலும் மென்மை இருக்கும்
இவளின் அன்பிலும் வன்மை இருக்கும்

அவள் தோல் கூட இனிக்கும் மாங்கனி
இவள் முள் கொண்ட அன்னாச்சி

அவள் கைப்பிடித்து இவள்
இருவரும் இணை பிரியா தோழிகள்